Knattspyrna, Forsíðufrétt
Viktor Steinn Sverrisson skrifaði fyrir helgi undir sinn fyrsta leikmannasamning við Knattspyrnudeild Víkings en samningurinn er til ársins 2025.
Viktor er aðeins 14 ára gamall og er gríðarlega efnilegur sóknarmaður sem kemur úr yngri flokka starfi Víkings.
Viktor Steinn lék með öllum unglingaliðum Víkings seinasta sumar, eða þ.e. 4, 3, og 2. flokki félagsins. Hann spilaði alls 9 leiki með 4. flokki Víkings seinasta sumar og skoraði hann þar 17 mörk.
Viktor er kraftmikill sóknarmaður og mikill markaskorari sem getur leyst allar framliggjandi stöður. Hann er ungur en gríðarlega efnilegur leikmaður sem kemur úr yngri flokka starfi Víkings og bindum við miklar vonir við hann í framtíðinni
Þetta eru gleðitíðindi fyrir Víking og óskum við Viktori innilega til hamingju með sinn fyrsta samning.
