Kæru Víkingar. Eftir þrotlausa vinnu undanfarnar vikur mun miðasalan á leik okkar gegn Panathinaikos í umspili Sambandsdeildar Evrópu í Helsinki hefjast í dag. Fjöldi miða í sölu er meira en tvöfalt meiri en rúmast í stúkuna hér í Hamingjunni og því engin ástæða til að óttast skort á miðum.

Hér má sjá yfirlitsmynd af vellinum en Víkingar verða í rauðmerkta kassanum og aðdáendur Panathinaikos í þeim grænmerkta. Við ásamt starfsfólki HJK erum á vaktinni og munum opna fyrir fleiri sæti um leið og þess þarf.

Áætlað er að miðasala hefjist í dag kl. 14:00 að íslenskum tíma og munum við senda út hlekk á miðasölusíðu HJK í sér tilkynningu. 2 leiðir eru í boði til að móttaka miðana:

1. Fá PDF skjal í tölvupósti
2. Fá miðann sendan sem e-Ticket og þá er hægt að setja hann í Apple Wallet / Google Wallet

Frábært starfsfólk HJK hefur aðstoðað okkur við þessa vinnu og kunnum við þeim miklar þakkir fyrir samstarfið.

Áfram Víkingur og áfram íslenskur fótbolti!