Nú er orðið ljóst Víkingur mun mæta FH í úrslitaleik Mjólkurbikars karla árið 2022.

Víkingur – FH
Laugardalsvöllur
Laugardaginn 1. október kl 16:00

Víkingar urðu Íslands- og Bikarmeistarar eftir glæsilegt tímabil árið 2021, en Víkingur hefur verið ríkjandi bikarmeistari frá árinu 2019 þar sem hætt var keppni árið 2020 og enginn bikarmeistari krýndur það ár. Þegar Víkingur varð bikarmeistari árið 2019 mætti liðið einmitt FH í úrslitaleik á laugardalsvelli þar sem leik lauk með 1-0 sigri Víkinga með marki frá Óttari Magnúsi Karlssyni.

Nú mætast liðin aftur þremur árum síðar og ætla Víkingar sér að sjálfsögðu að verja bikarinn. Miðasalan fyrir leikinn verður auglýst þegar nær dregur og sömuleiðis upphitun fyrir leikinn.

Áfram Víkingur!