Dregið var fyrir undanúrslit Mjólkurbikarsins í hálfleik viðureignar KR og Stjörnunnar í 8-liða úrslitum í gær, KR vann leikinn eftir framlengdan leik 2-1 og fer því áfram í undanúrslit.

Þetta er í 4 skiptið í röð sem Víkingur kemst í undanúrslit í bikarnum og er aðeins einum leik frá því að komast í úrslitaleikinn í fjórða skiptið á fjórum árum.

Það voru 4 lið úr Bestu deildinni sem voru í pottinum. Við fáum Bestu deildar lið KR í heimsókn á heimavöll hamingjunnar en leikurinn verður spilaður mánudaginn 3. júlí kl 19:15 á Víkingsvelli.