Borðtennis
Knattspyrnudeild Víkings hefur gert samning við tvo efnilega leikmenn til tveggja ára. Jóhann Kanfory ( F. 2006 ) og Hrannar Ingi Magnússon ( F. 2005 ) leikmenn 2. flokks skrifuðu undir sinn fyrsta samning við félagið í vikunni.
Jóhann Kanfory og Hrannar Ingi eru lykilleikmenn í öflugu liði 2. flokks karla sem varð bikarmeistari á nýliðnu tímabili.
Jóhann er fljótur kantmaður með góða tækni og les leikinn vel, Hrannar Ingi spilar sem bakvörður og hefur góða leiðtogahæfileika. Þeir komu báðir við sögu í sínum fyrsta leik fyrir félagið gegn Val í lokaumferðinni í Bestu deildinni á nýliðnu tímabili
Knattspyrnudeild Víkings er afar ánægð að hafa tryggt sér krafta Jóhanns & Hrannars til næstu ára.
