Knattspyrnudeild Víkings tilkynnir með ánægju að Tara Jónsdóttir hefur skrifað undir framlengingu á samningi við félagið.

Miðjumaðurinn öflugi mun framlengja samninginn sinn út keppnistímabilið 2025 sem tryggir að hún spili með Víkingsliðinu næstu 2 ár til viðbótar hið minnsta.

Þjálfari meistaraflokk kvenna, John Andrews sagði: Ég er mjög ánægður fyrir hönd Töru og klúbbsins. Hún er mikilvægur leikmaður fyrir okkur og mjög gott að hún sé búinn að skrifa undir a.m.k 2 ára samning við félagið.

Tara Jónsdóttir er uppalinn Víkingur og spilaði upp alla yngri flokka Víkings og á 96 meistaraflokks leiki fyrir sameignlegt lið HK/Víkings & Víking.  Hún hefur svo verið í lykilhlutverki með sjálfstæðu liði Víkings síðustu fjögur tímabil, þar sem liðið hefur gert stigvaxandi atlögu að sæti á meðal þeirra bestu. Hún var leikjahæst allra leikmanna á síðasta tímabili og var valinn leikmaður ársins af liðsfélögum og stjórn.

Frábærar fréttir fyrir okkur Víkinga og óskum Við Töru til hamingju með nýja samninginn!