Borðtennis
Sebastian Popovic Alexandersson verður næsti þjálfari kvennaliðs Víkings í handbolta til næstu tveggja ára. Hann tekur við góðu búi af Jóni Brynjari Björnssyni sem hefur byggt upp öflugt lið sem var hársbreidd frá því að komast í úrslit um sæti í efstu deild.
Sebastian þarf vart að kynna fyrir handboltaáhugamönnum enda afar reynslumikill þjálfari sem hefur náð miklum og áhugaverðum árangri með þau lið sem hann hefur tekið að sér. Sebastian tekur nú að sér að koma kvennaliði Víkings upp í efstu deild á þann stað sem það á heima.
Þess má geta til gamans geta að Sebastian lék á tímabili með Víkingi.
Víkingur þakkar Jóni Brynjari Björnssyni og Andrési Gunnlaugssyni aðstoðarþjálfara fyrir ómetanlegt framlag þeirra í vegferð kvennaliðs Víkings á leið þess í hóp þeirra bestu.
