Þriðjudaginn 16.apríl byrjar tímabilið hjá stelpunum þegar við förum í heimsókn á N1 völlinn á Hlíðarenda. Valskonur urðu Íslandsmeistarar í fyrra og eins og allir vita þá erum við Víkingar ríkjandi Mjólkurbikarmeistarar og í lok leiks verða Meistarar Meistaranna krýndar.
Leikurinn hefst kl. 19:30 en Víkingar ætla að mæta snemma á N1 völlinn og hvetja Mjólkurbikarmeistarana okkar.
Þetta verður önnur viðureign Víkings og Vals í Meistarakeppni KSÍ á árinu en Víkingar unnu Val eftir vítakeppni fyrr í mánuðinum. Verða Víkingar tvöfaldir Meistarar Meistaranna eða ná Valskonur að hefna fyrir ófarir strákanna um daginn? Það er a.m.k. alveg á hreinu að leikurinn verður veisla og hvetjum við ykkur til að tryggja miða sem allra fyrst.
