Í dag var tilkynnt um valið á íþróttafólki Víkings árið 2022.

Úr röðum kvenna varð borðtenniskonan Nevena Tasic fyrir valinu.

Afrek hennar á árinu bera vott um yfirburði við borðtennisborðið en þar má helst nefna:

1. Íslandsmeistari í Mfl.  kvenna í einliðaleik
2. Íslandsmeistari í 1. deild kvenna með liði Víkings
3. Deildarmeistari með kvennaliði Víkings
4. Íslandsmeistari í tvíliðaleik kvenna
5. Íslandsmeistari í tvenndarkeppni
6. Sigurvegari á Reykjavík Internatonal Games 2022
7. Sigraði öll keppnismót á árinu í borðtennis
8. Fastamaður í A landsliði Íslands

Úr röðum karla varð knattspyrnumaðurinn Júlíus Magnússon fyrir valinu.

Júlíus hefur þrátt fyrir ungan aldur sýnt mikla leiðtogahæfileika og var fyrirliði meistaraflokks karla á árinu en liðið varð bikarmeistari og náði eftirtektarverðum árangri í Evrópukeppninni.

Júlíus lék 38 leiki í deild, bikar og Evrópukeppni á árinu og skoraði í þeim 5 mörk. Þá naut hann þess heiður að spila sína fyrstu A-landsleiki á árinu en hann kom við sögu í 3 leikjum; gegn Suður Kóreu, Saudi Arabíu og San Marínó. Fyrir átti hann alls 33 leiki fyrir U21, U19, U17 og U16 ára landslið Íslands.

Aðrir sem tilnefndir voru í kjöri á Íþróttamanni Víkings eru:

Handknattleikur – Arna Þyrí Ólafsdóttir
Hjólreiðar – Jón Arnar Sigurjónsson
Skíði – Hilmar Snær Örvarsson
Tennis – Garima N. Kaulgade