Halldór Harri hefur skrifað undir samning við handknattleiksdeild Víkings og mun verða yfirþjálfari yngri flokka ásamt því að vera aðstoðarþjálfari meistaraflokks kvenna. Harri mun einnig koma til með að hjálpa við að leiða framtíðarstefnu handknattleiksdeildarinnar í handboltanum og mun hans gríðarmikla reynsla úr þjálfun nýtast vel til þess.

Harri ætti að vera mörgum vel kunnugur en hann þjálfaði meistaraflokk kvenna hjá HK síðustu 3 tímabil, einnig hefur hann þjálfað Stjörnuna, Hauka og Molde.