Knattspyrnudeild Víkings og Guðjón Örn, styrktarþjálfari meistaraflokks karla, hafa ákveðið að ljúka samstarfi sínu.

Samningur Guðjóns við Knattspyrnudeild Víkings rennur út eftir tímabilið í ár, en Guðjón hefur verið í þjálfarateymi Arnars Gunnlaugssonar undanfarin fimm tímabil og tekið þátt í stórglæsilegum árangri liðsins á þeim tíma.

Kári Árnason, yfirmaður knattspyrnumála hjá Víkingi:
„Guðjón hefur unnið frábært starf fyrir félagið og verið hluti af farsælustu árum í sögu Víkings. Guðjón tók starfið á næsta stig hjá okkur og hefur staðið sig gríðarlega vel sem styrktarþjálfari liðsins.“

Knattspyrnudeild Víkings þakkar Guðjóni Erni fyrir fagmennsku sína, skuldbindingu og vel unnin störf síðustu fimm tímabil og óskar honum alls hins besta í framtíðinni.

Nýr eftirmaður Guðjóns verður tilkynntur á næstu dögum.