Víkingur TV, Knattspyrna
Knattspyrnudeild Víkings hefur framlengt samning sinn við Emmu Steinsen Jónsdóttur
Emma var í lykilhlutverki í liði meistaraflokks kvenna Víkings sem í ár vann 3 titla, Mjólkurbikarinn, Lengjudeildina og vann sér með því inn sæti í Bestu deildinni 2024 sem og sigraði sína deild í Lengjubikarnum.
Þessi öflugi varnarmaður hefur nú framlengt samninginn sinn við Víking út keppnistímabilið 2025 og mun því spila með okkur næstu tvö árin til viðbótar hið minnsta.
Emma gekk til liðs við okkur Víkinga árið 2022 og hefur varla misst úr leik síðan þá, hefur alls spilað 55 leiki fyrir Víking og skoraði í þeim 1 mark. Emma var valið í U-23 landsliðið núna í haust fyrir glæsilega frammistöðu í sumar og spilaði með liðinu 2 leiki en samtals á Emma 10 landsleiki fyrir yngri landslið Íslands.
Frábærar fréttir fyrir okkur Víkinga og óskum við Emmu til hamingju með nýja samninginn!
