Knattspyrna, Forsíðufrétt
Birgitta Rún Yngvadóttir (2007) hefur skrifað undir sinn fyrsta samning við Víking og gildir hann út 2026. Birgitta er uppalin í Víking og spilaði sína fyrstu leiki fyrir meistaraflokk á nýliðnu tímabili.
Gefum John Andrews þjálfara meistaraflokks orðið
Birgitta er leikmaður sem við bindum miklar vonir við hér í Hamingjunni. Hún var að glíma töluvert við meiðsli á síðasta tímabili en er að komast aftur í sitt besta form og ætlar sér að brjóta sér leið inn í meistaraflokkshópinn fyrir árið 2025. Birgitta er mikill íþróttamaður og í bland við hæfileika hennar hefur hún allt sem þarf til að verða mikilvægur leikmaður fyrir okkur Víkinga. Fylgist með nafninu hennar á næsta tímabili.
Knattspyrnudeild Víkings óskar Birgittu innilega til hamingju með sinn fyrsta samning og við hlökkum til að sjá meira af henni á Heimavelli Hamingjunnar. ❤️🖤
