Forsíðufrétt, Handbolti
Egill Sigurðsson er eini Íslendingurinn á heimslista alþjóða tennissambandsins (ITF) í dag, númer 1.821. Egill keppti á sextán atvinnumótum í fimm löndum á árinu; Egyptalandi, Hollandi, Kýpur, Spáni og Tyrklandi. Hann vann sex leiki, fjóra þeirra á móti leikmönnum sem eru á heimslista alþjóða tennissambandsins og einn þeirra á stigalista atvinnumanna.
Egill keppti líka í efsta sæti fyrir hönd Íslands á Heimsmeistaramóti karlalandsliðiða “Davis Cup” (DC) í júní í Larnaca, Kýpur, á móti Georgíu, Kýpur og Luxembourg.
Egill er frábær fyrirmynd innan sem utan vallar og hefur lagt mikið á sig til að koma sér á heimslista ITF. Hann stundar einnig fjarnám í ensku við Háskóla Íslands.
Víkingur óskar Agli innilega til hamingju með árangurinn á árinu og viðurkenninguna frá Tennissambandi Íslands.
