– fjölhæfur lykilmaður áfram í Víkings treyjunni
Handknattleiksdeild Víkings hefur framlengt samning við Stefán Scheving Guðmundsson, kraftmikla vinstri skyttu meistaraflokks karla, til loka tímabilsins 2026–2027. Með þessari framlengingu tryggir félagið áframhaldandi gæði og reynslu í lykilstöðum liðsins.
Sterkur maður á mann – fjölhæfur leikmaður!
Stefán er öflugur maður á mann leikmaður á báðum endum vallarins og afar mikilvægur í leikskipulagi liðsins. Hann er fjölhæfur leikmaður sem getur leyst margar stöður, bæði í sókn og vörn, og gefur þjálfarateyminu mikilvæga breidd og taktískan sveigjanleika. Ásamt því að vera líkamlega sterkur er hann líka andlega sterkur og leiðandi innan liðsins.
„Það er mér mikil ánægja að framlengja við Víking. Ég finn að við erum að byggja upp sterka liðsheild með skýr markmið. Ég ætla að leggja mig allan fram fyrir liðið og hjálpa því að ná þeim árangri sem við stefnum á – bæði með frammistöðu minni og fjölhæfni innan liðsins“, var haft eftir Stefáni við undirritun.
Aðalsteinn Eyjólfsson, yfirmaður handknattleiksmála hjá Víkingi og jafnframt þjálfari meistaraflokks karla er ánægður með framlengingu Stefáns.
„Stefán er mikilvægur hlekkur í liðinu – hann er harður í horn að taka í maður á mann leik, fjölhæfur og alltaf tilbúinn að axla ábyrgð. Hann veitir okkur stöðugleika, sveigjanleika og baráttuanda – eiginleikar sem verða lykilatriði í því að ná markmiðum okkar næstu tvö tímabil“, segir Aðalsteinn.
Stefán Scheving og Aðalsteinn Eyjólfsson
Víkingur fagnar áframhaldandi samstarfi við Stefán og lítur björtum augum til næstu ára með sterkan og fjölhæfan leikmann í sínum röðum.
