Knattspyrna

Víkingsstelpur í 6. flokki gerðu góða ferð í höfuðstöðvar HK í Fagralundi á mánudag, 6. júlí. Þar voru spilaðir undanriðlar Hnátumótsins (Íslandsmótsins) og sendu Víkingur til leiks þrjú glæsileg lið. Til að gera langa sögu stutta unnu bæði A-lið og C-lið sína riðla af öryggi og B-liðið lenti í öðru sæti á eftir öflugu Hauka-liði. A-liðið vann alla leiki sína og endaði með markatöluna 14-2. C-liðið vann sinn riðil einnig glæsilega, vann alla leikina, alls með markatölunni 17-0!!! Þá stóð B-liðið sig einnig mjög vel, vann tvo leiki örugglega, gerði jafntefli við staðarhaldara HK og tapaði einungis fyrir Haukaliðinu sem sigraði í riðlinum með fullu húsi.

A-liðið og C-liðið eru því örugg áfram í úrslitariðil og B-liðið á einnig góða von um það en ekki liggja fyrir úrslit í öllum riðlum B-liða ennþá. Framtíðin er því björt hjá ungu stelpunum okkar í Víkingi.

Næsta taka þær þátt í Símamótinu 16.-19. júlí. Þá tekur við Pæjumótið á Siglufirði 7.-9. ágúst. Svo verður leikið til úrslita á Hnátumótinu 16.-17. ágúst. Ekki er þá sögð sagan öll því lokamótið er HK-mótið sem fram fer 23.-24. ágúst. Sumarinu er því borgið fyrir foreldrana, enda mikil ánægja sem fylgir því að fylgja eftir og fylgjast með þessum glæsilegum stelpum. Bara gaman að því!!!

ÁFRAM VÍKINGUR.

Ólafur Ólafsson íþróttastjóri Víkings veitti viðtöku viðurkenningar frá KSÍ vegna knattspyrnuskóla félagsins. Knattspyrnuskólinn uppfyllti gæðamat KSÍ og gæðakröfur fyrir knattspyrnuskóla sem settar eru fram í Grasrótarsáttmála UEFA. Þeir Guðlaugur Gunnarsson og Dagur Sveinn Dagbjartsson frá KSÍ afhentu félaginu viðurkenningu undirritaða af framkvæmdastjóra KSÍ. Myndin var tekin af því tilefni.

4 Fl kvenna hélt til Vestmannaeyja í gær og spilaði þar nokkuð jafnan og skemmtilegan leik við heimastelpur. Í hálfleik var staðan 0 – 0 og hafði hálfleikurinn verið nokkuð jafn þó svo okkar stelpur hafi fengið fleiri tækifæri til að skora. Í byrjun seinni hálfleiks fengu þær svo á sig mikið klaufamark þar sem þær virtust ekki alveg komnar í spilagírinn. Þetta mark sló stelpurnar út af laginu og tók það þær nokkur tíma að jafna sig á þessu marki. Það hlaut þó að koma að því að þær skoruðu mark og koma það svo loksins um mðjan hálfleikinn og var það Emelia sem slapp í gegn, lék á markmanninn og skoraði. Eftir þetta mark fóru sóknir stelpnanna að þyngjast og skoraði Steinunn sigurmarkið af harðfylgi er 10 mín voru eftir af leiknum. Var þetta því flottur og sanngjarn sigur.

Nú hafa stelpurna spilað helming af leikjum sínum í Íslandsmótinu eða fimm og hafa þær tapa einum leik og unnið alla hina

Þær Berglind Bjarnadóttir og Nína B. Gísladóttir úr meistaraflokki HK/Víkings eru í 18 manna landsliðshópi U19 ára sem var valinn til að taka þátt í úrslitakeppni Evrópumótsins í Hvíta-Rússlandi sem hefst 13. júlí.

TVG ZIMSEN logo prufa2ERREA
Skrá sig á póstlista Víkings.

 header object clear2 minna