Kæru hverfisbúar,
Það er með mikilli ánægju að staðfesta til ykkar að frá og með þessari viku hefur Víkingur formlega tekið við mannvirkjum í Safamýri og um leið sem nýja hverfisfélagið ykkar.
Við erum afar stolt að fá þetta hlutverk og við lofum að við munum vinna á einlægan máta með ykkur hverfisbúum á öllum aldri að skapa mjög öflugt og fjölbreytt íþróttastarf í Safamýri og hverfinu og um leið veita góða þjónustu til ykkar allra og vera til staðar.
Í samvinnu Víkings og Reykjavíkurborgar munu mannvirkin í Safamýri fara núna í úttekt, tiltekt og viðhald að innan sem utan. Nýjar merkingar munu koma á mannvirkin á næstu vikum. Við reiknum með að þessi vinna taki 2-3 vikur og stefnum við á að opna endurbætt mannvirki í Safamýri frá og með mánudeginum 22/08 næstkomandi eða á sama tíma og nýtt skólaár er að hefjast. Ráðnir hafa verið starfsmenn í húsið.
Nýr rekstrarstjóri er Guðbjörg Hjartardóttir og er hún með netfangið [email protected]
Félagið mun eiga fundi áður en nýtt skólaár hefst með hverfisskólunum og leiksskólunum hverfisins. Þá eru fyrirhugaðir fundir með foreldrafélögum skólanna snemma í september.
Nýjar æfingatöflur munu verða kynntar fyrir nýtt skólaár á miðlum félagsins. Einnig erum við að undirbúa Hverfishátíð í ágúst og munum við staðfesta og auglýsa hana nánar síðar.
Þá ætlum við að hafa upplýsingafund fyrir hverfið í kringum næstu mánaðarmót. Tímasetning staðfest sem fyrst.
Nánari upplýsingar veitir íþróttastjóri Víkings í Safamýri –
Jón Gunnlaugur Viggósson með síma 697-7892 og netfangið hans er [email protected].
Við hlökkum til að vinna með ykkur öllum.
Með bestu kveðjum,
Björn Einarsson
Formaður Víkings
