Forsíðufrétt
Meistaraflokkur karla í handbolta hjá Víkingi tryggði sér í dag deildarmeistaratitilinn í Grill-66 deild karla eftir sigur á Haukum 2 á útivelli. Með sigrinum hefur liðið jafnframt tryggt sér sæti í Olís deild karla á næsta tímabili.
Víkingar hafa átt afar sterkt tímabil og sigurinn í dag var þeirra nítjándi í 22 leikjum í deildinni. Liðið hefur sýnt mikinn stöðugleika og gæði í leik sínum í vetur og verið í fremstu röð frá upphafi móts.
Undir stjórn þjálfarans Aðalsteins Eyjólfssonar hefur liðið þróast vel og náð frábærum árangri. Þjálfarateymið og leikmenn hafa unnið markvisst starf allt tímabilið sem nú hefur skilað sér í deildarmeistaratitli og sæti í efstu deild handboltans á næsta keppnistímabili.
Það hefur verið afar ánægjulegt að fylgjast með framgöngu liðsins í vetur og ljóst að metnaður, samheldni og góður undirbúningur hafa lagt grunninn að þessum árangri.
Víkingur óskar leikmönnum, þjálfarateymi og öllum sem komið hafa að starfi liðsins innilega til hamingju með titilinn!
Áfram Víkingur!❤️🖤
