Víkingur TV, Knattspyrna
Síðastliðna helgi voru haldin fyrstu mót vetrarins fyrir yngri flokka í handbolta. Lið Víkings stóðu sig frábærlega og í heildina voru það fimm lið sem sigruðu sínar deildir.
Stelpurnar í 5. flokki kvenna á eldra ári unnu 3. deildina með fullt hús stiga. Þjálfararnir þeirra eru Marínó Gauti og Sigurður Páll.
Strákarnir í 5.flokki karla á eldra ári tóku einnig þátt á mótinu en lið 1, 2 og 4 unnu sínar deildir en lið 3 lenti í öðru sæti í sinni deild. Þjálfararnir þeirra eru Dagur og Nökkvi.
Að lokum var það 6. flokkur karla á eldra ári sem tók sigur á móti en lið 4 sigraði sína deild með fullt hús stiga. Þjálfararnir þeirra eru Heiðar Snær og Sigurður Páll.
Ótrúlega flottur árangur hjá þessum ungu og efnilegu Víkingum! Framtíðin er björt!
Áfram Víkingur!
