Knattspyrnudeild Víkings og Gísli Gottskálk Þórðarson hafa framlengt samning sinn út árið 2027. Gísli kom til félagsins frá ítalska félaginu Bologna sumarið 2022 og hefur hann leikið 64 leiki fyrir Víking og skorað í þeim 3 mörk.

Gísli hefur verið fastamaður í U-19 landsliði Íslands og braut sér leið inn í U-21 landsliðið fyrr á árinu. Gísli varð Mjólkurbikarmeistari með Víking árið 2022 og Íslands- og Mjólkurbikarmeistari árið 2023.

Nýr samningur Gísla við Víking er til þriggja ára og gleður það Knattspyrnudeild Víkings að tilkynna með mikilli hamingju að Gísli Gottskálk Þórðarson verður leikmaður félagsins út árið 2027.

Gísli hefur sannað sig sem ekki aðeins efnilegasta mann landsins heldur tel ég hann vera í topp 5 yfir þá bestu í deildinni í dag. Það er óhætt að segja að the sky is the limit þegar það kemur að hversu langt hann getur náð í fótbolta. Hann er með eiginleika sem mjög fáir íslenskir leikmenn búa yfir en fyrir utan alla hans knattspyrnuhæfileika þá er það sem hann ber á herðum sér hans besti kostur og það mun tryggja að hann nái mjög langt á sínum ferli.

Kári Árnason – yfirmaður knattspyrnumála.

Til hamingju Gísli og til hamingju Víkingur. 🖤❤️