Víkingsrútan

Víkingsrútan veturinn 2026-2027

Vinsamlegast lesið allar upplýsingar vel og vandlega.

Knattspyrnufélagið Víkingur býður iðkendum sínum uppá rútuferðir frá Krakkakoti og Sólbúum.
Rútuplanið miðar að því að börn í Hvassaleitisskóla sæki æfingar í Virkið (Safamýri) og börn í
Breiðagerðisskóla í Víkina. Öllum er að sjálfsögðu frjálst að sækja æfingar þar sem þeim hentar
en rútan gengur út frá þessu plani.

Ekki er kostur á akstri til baka, foreldrar þurfa því að sækja börnin sín að æfingum loknum.

Þjónustan er einingis í boði fyrir 6-9 ára börn (1-4 bekk) og á þær æfingar sem hefjast á bilinu 14:30-16:00

Kostnaður fyrir rútuna er 12.500 kr á önn.

Þegar iðkandi hefur gengið frá skráningu getur hann nýtt sér rútuna eftir þörfum.

 

Akstursplan (enginn akstur á föstudögum)

Rútan keyrir annars vegar frá Hvassaleitisskóla í Safamýri og hins vegar frá Breiðagerðisskóla í Víkina.

Fyrri ferð mán-fim:

Hvassó – Safamýri: Brottför frá Hvassó14:15

Breiðó – Víkin: Brottför frá Breiðó 14:45

Seinni ferð alla daga mán-fim:

Hvassó – Safamýri; Brottför frá Hvassó 15:15

Breiðó – Víkin: Brottför frá Breiðó 15:45

 

Hvernig fer skráning fram?

Skráning fer fram á Abler síðu Víkings hér

Foreldrar bera ábyrgð á að upplýsa frístundaheimili um hvort og hvaða ferð barnið þeirra fer í rútu, einnig er mjög mikilvægt að foreldrar meldi börnin sín í rútuna á Abler.

 

Afskráning

Afskráningar í rútuna og breytingar þurfa að berast í tölvupósti á netfang, [email protected].

Þegar barnið hefur verið skráð þá gildir sú skráning alla önnina. Þetta á svo við um skráningar í rútuna hér eftir, skráning þarf að berast í síðasta lagi fyrir klukkan 12:00 á mánudeginum áður en ferðir eiga að hefjast. Vinsamlegast óskið ekki eftir undantekningu á þessari reglu. Þessi vinnuregla hefur verið tekin upp með öryggi barnanna að leiðarljósi.

Því miður getum við ekki tryggt starfsmann í rútuna en það er verkefni sem verið er að vinna að hörðum höndum.  Að lokum vonumst við eftir áframhaldandi góðu samstarfi og bendum ykkur á að koma með athugasemdir til Víkings ekki starfsmanna frístundaheimilis. Við erum í breytingarferli og það mun taka tíma að fínpússa allt saman.