Víkingur Home 2024

Í febrúar 2023 ýttu Halldór Smári Sigurðsson og Bergur Guðnason, hönnuðir treyjunnar, úr vör ferli sem endaði með heimsókn í höfuðstöðvar Macron á Ítalíu í ágúst sama ár.

Síðastliðið ár hefur gríðarleg vinna farið í hugmyndavinnu og endanlega hönnun treyjunnar. Allt frá sniði, kraga, stroffs eða hversu þykkar rendurnar áttu að vera var útpælt og niðurstaðan er stórglæsileg.

Í fyrsta sinn í sögu Víkings er treyjan að meirihluta svört. Að sögn Halldórs og Bergs er mikilvægt að þora að ýta við útliti treyjunnar með það að markmiði hönnun hennar og útlit staðni ekki.

• Treyjan myndast vissulega vel en til þess að meta hana til fulls þá er nauðsynlegt að handleika hana, skoða í návígi og sjálfsögðu klæðast henni.
• Klassískar „pinstripe“ rendur prýða treyjuna.
• Sílíkon borði er innan á faldi treyjunnar.
• Félagsmerki Víkings á brjósti er með sérhannaðri þrívíddaráferð og úr sílíkoni
  „Suðurgötufélagið“ – gælunafn Víkings við stofnun þess – er undir hálsmáli á baki treyjunnar. Leturgerðin sækir innblástur í auglýsingu í fyrsta tölublaði Þjóðviljans eftir stofnun félagsins.
• Upphleypt munstur í efni ermanna var sérhannað fyrir treyjuna og laser skorið í efnið.
• Hver treyja er endurunnin úr 13 plastflöskum.

Áætlað er að treyjan komi til landsins í fyrstu vikunni í maí og verður afhendingardagur í Víkinni auglýstur þegar nær dregur.