Knattspyrna, Forsíðufrétt
Þorri Ingólfsson (2009) hefur skrifað undir sinn fyrsta samning við Víking og gildir hann út 2026.
Gefum Kára Árnasyni yfirmanni knattspyrnumála orðið
Þorri er með mikla tæknilega getu og er með lágan þyngdarpunkt. Hann á auðvelt með að fara framhjá mönnum í þröngum svæðum og spilar leikinn af miklu hugrekki. Þorri á þrjá landsleiki að baki og gegnir lykilhlutverki í öðrum flokki þrátt fyrir að vera með aldur í 3.flokk. Hann getur leyst margar stöður á vellinum hvort sem það er sem bakvörður eða sóknarmaður.
Knattspyrnudeild Víkings óskar Þorra innilega til hamingju með sinn fyrsta samning og við hlökkum til að sjá hann á Heimavelli Hamingjunnar á næstu árum. ❤️🖤
