Nýverið undirrituðu fulltrúar Víkings og HSÍ samning sem felur í sér afnot HSÍ af íþróttamannvirkjum Víkings í Vík og Safamýri fyrir æfingar yngri og eldri landsliða Íslands í Handbolta. Samningurinn gildir til 1. september 2028.

HSÍ fær til afnota aðstöðu í íþróttasölum, styrktaraðstöðu, búningsklefum og fundarherbergjum í mannvirkjum Víkings í Safamýri og í Víkinni. Mun HSÍ, vegna fræðslustarfsemi á vegum Víkings, heimila yngri og eldri iðkendum Víkings ásamt þjálfurum félagsins að fylgjast náið með völdum æfingum yngri og eldri landsliða Íslands í Handbolta. Að auki mun HSÍ útvega hæfa fyrirlesara til að halda fyrirlestur fyrir handboltaþjálfara hjá Víkingi með reglulegu millibili.

HSÍ skipuleggur vel á annað hundrað æfingar yngri og eldri landsliða og tengda viðburði í á hverju ári.