Knattspyrnudeild Víkings hefur ráðið til sín Kára Sveinsson, en hann tekur við sem yfirstyrktarþjálfari knattspyrnudeildar. Kári er menntaður sjúkra- og fitnessþjálfari og kemur hann inn með mikla reynslu erlendis frá.
Síðustu ár hefur hann verið í þessu sama hlutverki hjá Häcken sem spilar í Allsvenskan, efstu deild í Svíþjóð. Frá og með áramótum kemur Kári í fullt starf og sér þá um meistarflokka karla sem og yngri flokka félagsins ásamt því að vera meistaraflokk kvenna innan handar.
Ráðningin er mikið framfararskref fyrir félagið í heild, en fram að áramótum mun Kári aðallega einbeita sér að því að stokka upp yngri flokka starfið í knattspyrnudeildinni. En ekki láta ykkur bregða ef þið sjáið hann á meistaraflokksleikjum þar sem hann mun vera Óskari innan handar.
Kári Árnason, yfirmaður knattspyrnumála
