Vorönn 2026
Á vegum Knattspyrnufélagsins Víkings er starfræktur Íþróttaskóli barnanna sem ætlaður er börnum á aldrinum 18 mánaða til 5 ára (2021-2024).
Þar fer fram fjölbreytt og áhugaverð dagskrá þar sem haft er að leiðarljósi að efla skyn- og hreyfiþroska barnanna ásamt því að kenna þeim að vinna með öðrum, umgangast aðra og taka tillit hvort til annars.
Boðið er upp á Íþróttaskóla Víkings á tveimur stöðum, annars vegar í Réttarholtsskóla og hins vegar í Álftamýraskóla.
Íþróttaskólinn fer fram á laugardögum í íþróttasal Réttarholtsskóla og á sunnudögum í íþróttasal Álftamýraskóla.
Skráning á námskeið vorannar hefst miðvikudaginn 17. desember kl 12:00.
Íþróttaskólinn hefst síðan laugardaginn 17. janúar í Réttarholtsskóla og sunnudaginn 18. janúar í Álftamýrarskóla en munum við bjóða upp á opna tíma í Álftamýrarskóla sunnudaginn 11. janúar kl 10:00 og 11:00.
Skráning fer fram í gegnum Sportabler.
Mikilvægt er að skrá í rétt námskeið þar sem boðið er uppá mismunandi aldurshópa á hvorum stað fyrir sig.
Boðið er upp á krílahópa og hóp fyrir börn fædd 2021-2023, bæði í Réttarholtsskóla og í Álftamýrinni. Því er mikilvægt að skrá í réttan hóp.
Samskipti milli þjálfara og foreldra/forráðamenn eru í gegnum Sportabler, mikilvægt að foreldrar nái í appið til þess að geta séð dagskrá tíma og aðrar upplýsingar.
ATH! Það eru 35 pláss í hverjum hóp.
Hópar í Réttarholtsskóla
–Krílahópur fyrir 18-24 mánaða klukkan 9:00
-Eldri hópur 1 (f. 2021-2023) klukkan 10:00
-Eldri hópur 2 (f. 2021-2023) klukkan 11:00
Hópar í Álftamýrarskóla
–Krílahópur fyrir 18-24 mánaða klukkan 9:00
-Eldri hópur 1 (f. 2021-2023) klukkan 10:00
-Eldri hópur 2 (f. 2021-2023) klukkan 11:00
Um er að ræða 12 skipti og er fyrsta skiptið 17.-18. janúar. Íþróttaskólinn er í fríi helgina 21.-22. febrúar vegna vetrarfría grunnskólana og helgina 4.-5. apríl vegna páskanna. Síðasti tíminn er helgina 18.-19. apríl.
(Upplýsingapóstur mun berast til foreldra áður en fyrsti tími byrjar í gegnum Sportabler)
Mælt er með því að börnin mæti berfætt eða í sokkum með stjörnum undir svo þau nái sem bestu gripi á gólfinu og renni ekki. Foreldrar og forráðamenn eru hvattir til að taka þátt í tímunum og vera börnunum til aðstoðar t.d. í áhaldahringjum og við klifur. Ef barn er óöruggt á einhvern hátt (skortir kjark eða færni) þarf líka að styðja það vel í upphafi og draga sig síðan í hlé þegar færnin verður meiri og sjálfstraust eykst.
Aðstaða er til fataskipta sé þess óskað.
Verð fyrir námskeiðið er 18.900 kr. fyrir 12 tíma.
Að venju fá börnin boli merkta skólanum og Víkingi.
Mikilvægar upplýsingar!
Skráningarkerfið býður því miður ekki upp á að skrá barn eftir mánuðum, heldur aðeins eftir fæðingarári. Þess vegna er kerfið opið fyrir skráningar frá 12 mánaða aldri, en við miðum hins vegar við að börn séu 18 mánaða eða eldri í íþróttaskólanum.
Ef foreldrar vilja skrá barn yngra en 18 mánaða þurfa þeir sjálfir að meta hvort barnið sé fært um að taka þátt.
Ef einhverjar spurningar vakna eða ef vafi leikur á þessu, endilega hafið samband!
Hægt er að fá nánari upplýsingar um Íþróttaskóla barnanna í síma 519-7600 eða með því að senda tölvupóst á [email protected]s eða [email protected]
