Víkingur TV, Knattspyrna, Forsíðufrétt
Það er með mikilli hamingju sem Knattspyrnudeild Víkings tilkynnir að Ísfold Marý Sigtryggsdóttir hefur skrifað undir samning við félagið út tímabilið 2026. Ísfold er fædd árið 2004 og er uppalin í KA en kom inn í Þór/KA árið 2019 og á að baki 97 meistaraflokksleiki.
Hún lék 14 leiki síðastliðið sumar með Þór/KA og skoraði tvö mörk. Ísfold á einnig að baki 15 leiki fyrir yngri landsliðin og fór með U19 landsliðinu á lokamót EM í fyrra.
Ísfold er ung en á sama tíma mjög reynslumikill leikmaður. Hún passar fullkomlega inn í verkefnið okkar hér í Víkinni og við erum í skýjunum að fá hana í hópinn. Velkomin í fjölskylduna og í Hamingjuna Ísfold!
