Knattspyrna, Forsíðufrétt, Félagið
Uppbyggingarsamningur Víkings og Reykjavíkurborgar samþykktur
Knattspyrnufélagið Víkingur hélt aðalfund sinn fimmtudaginn 28. maí sl. Fundurinn var haldinn í hátíðarsal í Víkinni kl. 17:30. Fundarstjórn var í höndum Guðmundar H. Péturssonar.
Helstu niðurstöður fundarins eru eftirfarandi:
Breytingartillögur aðalstjórnar á lögum Knattspyrnufélagsins Víkings voru samþykktar.
Hér má sjá breytingatillögur á lögum.
Björn Einarsson var kjörinn áfram formaður aðalstjórnar Víkings til eins árs.
Þórir Júlíusson, Björn Hallgrímur Kristinsson og Helgi Eysteinsson voru kjörnir í aðalstjórn Víkings til næstu tveggja ára. Vilhjálmur Jens Árnason gaf ekki kost á sér til áframhaldandi setu í aðalstjórn. Þá steig Kristín Magnúsdóttir sömuleiðis út sem aðalmaður í stjórn. Kristín heldur áfram í aðalstjórn sem varamaður í stað Sigurbjarnar Björnssonar sem hættir.
Knattspyrnufélagið Víkingur þakkar Vilhjálmi Jens og Sigurbirni fyrir langvinn og ómetanleg störf í aðalstjórn félagsins.
Óskar Sverrisson og Haraldur Haraldsson voru kjörnir skoðunarmenn félagsins.
Fyrir fundinum lá frammi samningur Víkings og Reykjavíkurborgar um uppbyggingu á athafnasvæðum félagsins til kynningar og samþykktar. Var uppbyggingarsamningurinn samþykktur einróma af öllum mættum fulltrúum deilda eða ráða.
