Almennings

Fossvogshlaup Hleðslu 2017

- Arnar Pétursson setur brautarmet í 5 km hlaupi á 15:22

- Andrea Kolbeinsdóttir setur brautarmet í 5 km á 18:28

- Fríða Rún Þórðardóttir setur brautarmet í 10 km  á 39:56  - bætti eigið brautarmet frá 2014 um 34s

Fossvogshlaup Hleðslu fór fram í gær fimmtudaginn 24. ágúst en um er að ræða árlegt götuhlaup við Víkina í Fossvogi þar sem boðið er upp á tvær vegalengdir, 5 og 10 km. Hlaupið hefur verið haldið árlega síðustu sjö ár og er eitt fjölmennasta sumarhlaup ár hvert. Metþátttaka var í hlaupinu í ár en tæplega 450 voru skráðir til leiks, þar af luku 417 keppni.

Arnar Pétursson nýkrýndur Íslandsmeistari í maraþonhlaupi gerði sér lítið fyrir og hljóp sitt allra besta 5 km hlaup á tímanum 15:22 og setti í leiðinni brautarmet. Í kvennaflokki var það hlaupakonan Andrea Kolbeinsdóttir úr ÍR sem bar sigur úr býtum en hún kom í mark á tímanum 18:28 sömuleiðis á nýju brautarmeti

Í 10 km hlaupinu voru hlaupnir tveir 5 km hringir og fyrstur í mark í karlaflokki var Sigurjón Ernir Sturluson á tímanum 35:55 og í kvennaflokki sigraði Fríða Rún Þórðardóttir með yfirburðum á tímanum 39:56 og bætti um leið eigið brautarmet frá 2014 um 34 sekúndur.

Mikil og góð stemning var meðal þátttakenda og starfsmanna í hlaupinu enda aðstæður með besta móti í Fossvoginum í gær, bæði stillt og milt. Sjálfboðaliðar frá Víkingi sjá um alla skipulagningu og utanumhald við hlaupið en í kringum 70 manns komu að hlaupinu í tengslum við uppsetningu, frágang, brautarvörslu og fleiri þætti.

Meira en 20 stuðningsaðilar koma að framkvæmd hlaupsins með gjöfum á útdráttarverðlaunum. Aðalstyrktaraðili hlaupsins undanfarin 2 ár er Hleðsla orkudrykkur og kunnum við þeim bestu þakkir fyrir.

Almenningsíþróttadeild Víkings er hluti af Knattspyrnufélaginu Víkingi. Markmið deildarinnar er að stuðla að þátttöku almennings í heilsueflandi íþróttum þar sem áherslan er lögð á rækt sálar og líkama,  ekki eingöngu á mælanlegan árangur í keppnum.  Deildin heldur úti æfingum í hlaupum og hjólum 3. sinnum í viku ásamt jóga æfingum einu sinni í viku.  Þjálfarar félagsins eru Fríða Rún Þórðardóttir og Haraldur Haraldsson. 

Allir eru velkomnir að skrá sig í hlaupahópinn og mæta á æfingar.  Nánari upplýsingar á má finna á http://vikingur.is/almennings/

Myndir úr hlaupinu eru inná Facebook síðu hlaupsins, https://www.facebook.com/fossvogshlaup/

Öll úrslit má finna á hlaup.is,  http://www.hlaup.is/

 

Búið er að opna fyrir skráningar á námskeið á haustönn 2017 á www.vikingur.felog.is

Þau námskeið sem Knattspyrnufélagið Víkingur býður uppá í vetur eru eftirfarandi. 

Almenningsíþróttadeild Víkings minnir á Fossvogshlaup Hleðslu 2017 verður haldið 24. ágúst og hægt að velja á milli 5 og 10 km. Við vonumst eftir að sem flestir Víkinga taki þátt í hlaupinu eða þá að koma í Víkina og í fossvogsdalinn til að taka þátt í stemmningunni. Fossvogshlaupið hefur verið haldið árlega síðustu sjö ár og er eitt fjölmennasta sumarhlaup ár hvert og var m.a. kosið vinsælasta götuhlaupið á hlaup.is árið 2015 og í öðru sæti árið 2016.     

Skráning í hlaupið fer fram á hlaup.is

https://www.hlaup.is/dagbok.asp?cat_id=5&module_id=220&element_id=28556

asdf

 

asdff

 

Fréttabréf Víkings 

Fréttabréf Víkings kom fyrst út í þessari mynd í september 2013 og hefur síðan komið reglulega út annan hvern mánuð.

Meðal efnis í júlí útgáfu fréttabréfs Víkings er viðtal við Loga Ólafsson þjálfara meistaraflokks karla. Farið fir gott gengi HK/Víkings í sumar ásamt kynningu á leikmönnum liðsins.

Fréttir af yngri flokkum Víkings í fótbolta á hinum ýmsu fótboltamótum í sumar. Karla og kvenna liðin í handbolta hafa hlotið liðsstyrk fyrir komandi vetur. 

Þú getur nálgast með því að klikka á myndina hér fyrir neðan 

Screen Shot 2017 07 23 at 01.01.26

 

Áfram Víkingur!

 

 

Hjólahópur Víkings tekur þátt í WOW Cyclathon og hjólar hringinn í kringum landið í WOW Cyclothon 2017 til styrktar Slysavarnarfélaginu Landsbjörgu.

Víkingar nær og fjær

Afmælishlaup Víkings sem verður haldið venju samkvæmt sumardaginn fyrsta 20. apríl nk. 

Tvær vegalengdir verða í boði
1. Vegalengd 8,4 km: Frá horni Garðastrætis og Túngötu að Víkinni.
Hlaupið verður frá horni Garðastrætis og Túngötu, sem leið liggur að Suðurgötu, út alla Suðurgötuna yfir á göngustíginn við Skildinganes. Hlaupið er síðan eftir stígnum inn Fossvoginn að félagsheimili okkar í Víkinni


2. Styttri vegalengdin 4,0 km: Frá bílastæðinu við Nauthól að Víkinni.
Ræst verður á sama tíma frá báðum stöðum kl 14.


Skráning og afhending þátttökunúmera verður við rásmark frá kl 13:30. Ræst verður kl 14 stundvíslega.
Brautargæsla verður við hringtorgið við Þjóðarbókhlöðu
Kl 15:00 verður svo verðlaunaafhending í Víkinni fyrir efstu 3 sætin í karla- og kvennaflokki.

Þetta er frábært hlaup og góð æfing eftir páskahátíðirnar.

Ekkert kostar í hlaupið, hlökkum til að sjá þig 

Áfram Víkingur !! 

 

Skrá sig á póstlista Víkings.

 header object clear2 minna