Forsíðufrétt
Á hverju ári stendur hlaup.is fyrir kosningu á götu- og utanvegahlaupum ársins en öll hlaup sem birta úrslitin á vefsíðunni eru sjálfkrafa þátttakendur í keppninni. Það er virkilega ánægjulegt að segja frá því að Hleðsluhlaupið var kosið götuhlaup ársins 2025 þann 8. febrúar sl. og er þetta í þriðja sinn sem hlaupið hlýtur þennan titil. Hleðsluhlaupið er haldið í nánu samstarfi við Almenningsdeild Víkings.
Kjósendur gefa hverju hlaupi sem þeir tóku þátt í árinu eina heildareinkunn og einstökum þáttum þess líka en þá er horft til umgjarðar og skipulagningar, hlaupaleiðar, brautarvörslu og -merkinga, drykkjarstöðva, og veitinga og verðlauna að hlaupi loknu en heildareinkunn Hleðsluhlaupsins var 4,75 af 5 mögulegum!
Óskum við skipuleggjendum Hleðsluhlaupsins innilega til hamingju með þennan titil og hlökkum við til að taka á móti ykkur í hamingjunni þann 27. ágúst 2026!❤️🖤
