Forsíðufrétt, Handbolti
Velkominn Danijel!
Sóknarmaðurinn Danijel Dejan Djuric hefur skrifað undir samning við Knattspyrnudeild Víkings út árið 2025. Danijel er fæddur árið 2003 og spilaði í yngri flokkum hjá Breiðablik áður en hann fór til Midtjylland í Danmörku árið 2019. Þar spilaði hann að mestu leyti með unglingaliðum félagsins en spilaði nokkra æfingaleiki með aðalliðinu og var nokkrum sinnum í hóp í Dönsku Superliga.
Danijel á 42 leiki fyrir yngri landslið Íslands og hefur skorað í þeim 14 mörk.
Það er mikið fagnarefni fyrir okkur Víkinga að fá Danijel Djuric í okkar raðir og mun hann styrkja liðið mikið fyrir komandi átök í Bestu Deildinni og Meistaradeildinni.
