Reykjavíkurmeistarar í 4.fl kvenna
3. maí 2024 | Knattspyrna
Í apríl varð Víkingur Reykjavíkurmeistari í A og B-liðum í 4.fl kvenna og enduðu bæði liðin með fullt hús stiga. A-liðið vann alla sína sjö leiki á mótinu og endaði með markatöluna 40:2 og B-liðið vann alla sína sex leiki með markatölunni 49:3.
Alls voru 5 lið skráð til leiks í mótinu frá Víkingi sem þýddi að flokkurinn var með flest lið af Reykjavíkurfélögunum. Öll liðin stóðu sig vel og miklar framfarir hjá stelpunum sem hafa æft vel í vetur við allar mögulegar aðstæður.
Þjálfarar flokksins eru Guðni Snær Emilsson, Ólafur Þór Davíðsson , Haggai Birnir Moshesson, Rökkvi Aðalsteinsson og Sara Jóhanna Geirsdóttir Waage.
Knattspyrnudeild Víkings óskar þessum efnilegu stelpum til hamingju með þennan stórglæsilega árangur!
Áfram Víkingur ❤️🖤
A lið 4.flokks kvenna 2024
B lið 4.flokks kvenna 2024
