Forsíðufrétt
Knattspyrnudeild Víkings heldur Petit Hamingjumótið á Heimavelli hamingjunnar í Víkinni helgina 12. – 13. ágúst 2023.
Mikið er um að vera hjá Knattspyrnudeild Víkings um þessar mundir. Meistaraflokkur kvenna er að fara að mæta Breiðablik í úrslitaleik Mjólkurbikarsins föstudaginn 11. ágúst ásamt því að vera að berjast á toppi Lengjudeildar um sæti í efstu deild að ári. Meistaraflokkur karla tekur á móti KR í undanúrslitum Mjólkurbikarsins 16. ágúst og er á toppi Bestu deildarinnar í harðri baráttu um Íslandsmeistaratitilinn.
Nú þurfa Víkingar að standa saman og leggja félaginu lið.
Óskað er eftir sjálfboðaliðum í dómgæslu. Það þarf enga alþjóðadómara heldur fólk sem er tilbúið að standa inni á vellinum með krökkunum og hafa gaman af og leiðbeina með grunnatriði knattspyrnunnar (innspörk, horn, miðju, byrja leik).
Úrslit eru ekki skráð. Hver dómaravakt er sirka 90-120 mín.
Þeir einstaklingar sem hafa tök að leggja okkur lið að senda póst á [email protected] og gefa upp nafn og símanúmer, tilgreina hvorn daginn þeir eru tilbúnir að dæma á og hvort það sé fyrir eða eftir hádegi.
