Forsíðufrétt
Kvennakvöld Víkings verður haldið í Víkinni laugardaginn 6. nóvember nk. Hver þarf kóng þegar fullt af drottningum koma saman í Víkinni.
Eins og lög gera ráð fyrir þá verður veglegt happadrætti með frábærum vinningum.
Hinn eini sanni Hreimur mætir og hitar upp fyrir DJ Skúla sem sér til þess að dansgólfið verður vel nýtt. Veislustjórn verður í öruggum höndum Bjargar Magnúsdóttur RÚV-ara sem er nýflutt í hverfið. Þetta er gullið tækifæri til að hitta nágrannann, eldri og núverandi leikmenn, mömmur, ömmur og frænku þeirra. Þetta er einnig tækifærið til að styðja við stelpurnar í félaginu.
Boðið verður upp á glæsilegt steikarhlaðborð frá Múlakaffi. Hægt verður að velja á milli grillaðrar nautalundar sem er ilmuð með villisveppum og trufflum eða kalkúnabringu með mangógljáa ásamt girnilegu meðlæti að hætti Múlakaffis.
Við lofum söng, dansi, hlátri og mikilli gleði
Tryggið ykkur miða í tæka tíð!
