Knattspyrna, Forsíðufrétt
Eiður Orri Ragnarsson (2004) hefur skrifað undir samning við félagið út árið 2029. Eiður hefur spilað með Keflavík frá árinu 2025 og hefur slegið í gegn í Bestu deildinni í sumar. Eiður mun klára sumarið með Keflavík á láni frá Víking en mun svo ganga formlega til liðs við Víking á undirbúningstímabili fyrir tímabilið 2027.
Gefum Kára Árnasyni yfirmanni knattspyrnumála orðið:
Eiður er gríðarlega fljótur og kraftmikill leikmaður sem er með frábæra fyrstu snertingu. Hann er leikmaður sem getur búið til eitthvað úr engu. Við hlökkum mikið til að vinna með honum á næstu árum.
Vertu hjartanlega velkominn í Hamingjuna Eiður og við hlökkum til að sjá þig í Víkingstreyjunni ❤️🖤
