Dagbjört Lena Sigurðardóttir hefur verið ráðin í stöðu íþróttafulltrúa Knattspyrnufélagsins Víkings og mun hún hefja störf hjá félaginu 1. júlí. Íþróttafulltrúi heyrir undir aðalstjórn félagsins og starfar þannig fyrir allar deildir í nánu samstarfi við Íþróttastjóra Víkings. Í starfi sínu mun Dagbjört starfa náið með deildum, þjálfurum, iðkendum, foreldrum og öðrum hagsmunaaðilum í tengslum við æfingar og viðburði. Þá mun Dagbjört aðstoða félagið og deildir þess við námskeiðahald, mótahald og fjáraflanir ásamt því að vinna almennt að aukningu í þátttöku barna og ungmenna í íþróttastarfi Víkings. Íþróttafulltrúi mun mestmegnis hafa viðveru í íþróttamannvirki Víkings í Safamýri.

Dagbjört, sem er 25 ára gömul, er með BA-gráðu í félagsfræði og hefur nýlokið diplómanámi í viðburðastjórnun. Mikil ánægja er innan Víkings með ráðningu á Dagbjörtu og bjóðum við hana velkomna í félagið okkar.