Forsíðufrétt, Handbolti
Knattspyrnudeild Víkings tilkynnir að ÍBV og Víkingur hafa náð samkomulagi um kaup ÍBV á Bjarka Birni Gunnarssyni. Bjarki var á láni frá Víking hjá ÍBV tímabilin 2023 og 2024 við góðan orðstír. Hann lék upp alla yngri flokka Víkings og fyrir utan stutt stopp í Haukum, Þrótti Vogum og Kórdrengjum hefur hann verið hér í Víkinni allan sinn feril. Bjarki lék 4 leiki fyrir meistarflokk Víkings.
Gefum Kára Árnasyni, yfirmanni knattspyrnumála orðið.
Bjarki er uppalinn Víkingur og frábær fótboltamaður, gott auga fyrir spili og getur leyst margar stöður. Hann hefur frábæra vinstri löpp og er gríðarlega fastur fyrir. Hann hefur verið óheppinn með meiðsli síðustu ár en við erum virkilega spennt að fylgjast með honum og efumst ekki um að hann slái í gegn hjá ÍBV.
Knattspyrnudeild Víkings þakkar Bjarka fyrir framlag sitt til félagsins og um leið óskum við honum góðs gengis í búningi ÍBV.
