Knattspyrna, Forsíðufrétt
Kæru Víkingar. Það er með miklu stolti og hamingju sem við tilkynnum að Bergdís Sveinsdóttir hefur skrifað undir nýjan tveggja ára samning við félagið.
Bergdís hefur verið einn af lykilleikmönnum meistaraflokks kvenna undanfarin ár og skipað stóran sess innan liðsins. Hún hefur vaxið mikið í sínu hlutverki, bæði innan vallar sem utan, og er í dag mikill leiðtogi í hópnum.
Þrátt fyrir ungan aldur hefur Bergdís nú þegar leikið 79 leiki fyrir meistaraflokk félagsins og skorað í þeim 26 mörk. Þá hefur hún einnig verið fastamaður í öllum yngri landsliðum Íslands þar sem hún á að baki 51 landsleik.
Við erum afar ánægð með að Bergdís verði áfram hluti af okkar metnaðarfulla starfi næstu árin og hlökkum til að fylgjast með henni halda áfram að vaxa og dafna í okkar búningi. Áfram Víkingur! ❤️🖤
