Knattspyrna, Forsíðufrétt
A landslið karla leikur tvo vináttulandsleiki á Algarve í Portúgal í janúar. Fyrri leikurinn verður gegn Eistlandi 8. janúar á Estadio Nora og sá seinni á Estadio Algarve 12. janúar gegn Svíþjóð. Arnar Þór Viðarsson, þjálfari íslenska liðsins, hefur valið leikmannahóp fyrir verkefnið, sem er utan FIFA-glugga eins og knattspyrnuáhugafólki er kunnugt um, og því kemur bróðurpartur leikmanna í hópnum frá félagsliðum í Bestu deildinni, Svíþjóð og Noregi.
Víkingur á þrjá fulltrúa í hópnum, það eru þeir Danijel Dejan Djuric, fyrirliðinn okkar Júlíus Magnússon & Viktor Örlygur Andrason. Þeir voru einnig allir í landsliðshópnum sem spilaði tvo vináttulandsleiki gegn Suður-Kóreu & Sádi Arabíu í byrjun nóvember síðastliðnum. Þá hefur Kristall Máni Ingason, fyrrum leikmaður Víkings einnig verið valinn í hópinn.
Við óskum leikmönnunum innilega til hamingju með valið og óskum þeim góðs gengis
