Víkingur – Riga FC: Nánari upplýsingar

Það hafa borist margar fyrirspurnir á skrifstofu Víkings í dag eftir að ljóst var hvaða lið við fáum í 1. umferð forkeppni Sambandsdeildar Evrópu þar sem við munum mæta Riga FC.

Fyrri leikurinn í viðureigninni fer fram ytra eða nánar tiltekið í Riga, Lettlandi. Leikurinn fer fram fimmtudaginn 13. júlí og virðist vera mikill áhugi á ferðast með liðinu út.

Það er hægt að bóka í gegnum bókunrarsíður á hagstæðu verði til Riga og mun Víkingur auglýsa síðar miðasölu í Víkingshólf á vellinum úti. Það má gera ráð fyrir kostnaði uppá 70-80.000kr á mann fyrir flug+hótel.

Víkingur mun fá úthlutað 5% af heildarfjölda miða á útileikinn og verður því hægt að kaupa miða í gegnum Víking en við munum auglýsa það nánar í næstu viku.

Seinni leikurinn verður spilaður á Heimavelli hamingjunnar, fimmtudaginn 20. júlí og mun miðasalan á leikinn fara fram í gegnum Stubb.is eða Stubb appinu.

Við munum veita nánari upplýsingar í næstu viku.