Knattspyrnudeild Víkings hefur samþykkt tilboð norska 1. deildar félagsins Fredrikstad FK í Júlíus Magnússon, fyrirliða okkar Víkinga, og mun Júlíus ganga til liðs við félagið á næstu dögum.

Júlíus Magnússon er uppalinn Víkingur en fór í atvinnumennsku aðeins 16 ára gamall til hollenska félagsins Heerenveen. Hann kom aftur í Víkina árið 2018 þá 20 ára gamall og stimplaði sig strax inn sem lykil leikmann og átti stóran þátt í velgengi undanfarinna ára með liðinu.

Júlíus hefur orðið bikarmeistari þrisvar sinnum með Víkingi og varð Íslandsmeistari með liðinu árið 2021. Í fyrra var þessi magnaði leikmaður gerður að fyrirliða og leiddi hann Víking til velgengni í evrópukeppni, til bikarmeistaratitils auk þess sem liðið varð Meistari meistaranna.

Júlíus er mikil fyrirmynd innan sem utan vallar og kveður Víkingur þennan frábæra dreng með miklum söknuði en óskar honum á sama tíma velfarnaðar á nýjum vettvangi.