Knattspyrnudeild Víkings hefur ráðið Brynjar Björn Gunnarsson inn í þjálfarateymi meistaraflokks karla hjá Víkingi í aðdraganda Sambandsdeildar UEFA. Brynjar kemur til með að sinna hlutverki meðþjálfara liðsins í Evrópukeppni ásamt Sölva Geir Ottesen.
Brynjar Björn, sem hefur lokið UEFA Pro þjálfaragráðu, á að baki öflugan þjálfaraferil hjá Stjörnunni, HK, Örgryte, Grindavík og Fylki. Þá á Brynjar Björn að baki afar farsælan feril erlendis með Stoke, Nottingham Forest, Watford og Reading á Englandi, Vålerenga í Noregi og Örgryte í Svíþjóð ásamt því að hafa leikið 74 A-landsleiki fyrir Íslands hönd.
Knattspyrnudeild Víkings lýsir yfir mikilli ánægju með ráðningu Brynjars og býður hann velkomin til starfa. Brynjar hefur störf fyrir félagið eftir landsleikjahlé.
