Það gleður okkur að tilkynna að knattspyrnudeild Víkings og Erna Guðrún Magnúsdóttir hafa framlengt samning sinn út tímabilið 2025.

Ernu þarf vart að kynna fyrir Víkingum en hún kom í Hamingjuna frá FH fyrir tímabilið 2023. Hún er einn reyndasti leikmaður liðsins en hún hefur spilað 202 leiki og skorað í þeim 13 mörk.  Erna fór mikinn í hjarta varnarinnar á síðasta tímabili og var í lok tímabils kosin besti leikmaður liðsins af stjórn deildarinnar.

„Erna er frábær leikmaður og leiðtogi. Erna býr yfir gríðarlegum hraða og leikskilning og sýndi okkur það í fyrra hvers megnug hún er og erum við handviss að hún haldi áfram á sömu braut í Bestu deildinni í sumar“

Áfram Víkingur!