Handbolti

Dregið hefur verið í Jólahappdrætti Víkings 2017. Hægt er að vitja vinninga frá og með mánudeginum 8. janúar 2018 til 8.mars 2018. 

Knattspyrnufélagið Víkingur þakkar öllum þeim sem keyptu miða í happdrættinu og söluaðilum fyrir þátttökuna. 

Gleðilegt nýtt ár.

Dregið verður í jólahappdrætti Víkings 5. janúar. Þetta er gert vegna þess að margir óseldir miðar eiga eftir að skila sér í hús. 

Einungis er dregið úr seldum miðum og því er mikilvægt að bíða eftir eftir endanlegum skilum frá öllum söluaðilum. Biðjumst við velvirðingar á þessu. 

Vinningsnúmer verða birt á heimasíðu félagsins og verða síðan birt á miðlum félagsins. 

 Happa

Árlegt jólahappdrætti Víkings er í fullum gangi og hafa iðkendur í yngri flokkum félagsins nú þegar gengið í flest hús í öllu Víkingshverfinu. Krakkarnir eiga enn eftir að fara í einhverjar götur og hvetjum við alla Víkinga, sem og aðra velunnara félagsins, að taka vel á móti krökkunum og kaupa miða. Með kaupum á miða í jólahappdrætti Víkings styrkið þið bæði félagið beint og líka þann sem er að selja, þar sem þetta er jafnframt fjáröflun fyrir þá aðila. En ef svo vill til að þú eigir enn eftir að kaupa miða, þá verða þeir til sölu í Víkinni fram til 31. desember, m.a. á flugeldasölu Víkings, sem verður 28. til 31. desember. 

Happdrættið er sérlega veglegt þetta árið og vinningar glæsilegir, má þar nefna Amerískt heilsurúm frá Betra Bak að verðmæti kr. 340.000, Mongoose fjallahjól frá GÁP að verðmæti 114.900, Big Easy grill, gjafabréf frá Icelandair, síma frá Vodafone og margt fleira, en vinningarnir eru að verðmæti tæplega 1.000.000 kr.

Aðeins er dregið úr seldum miðum og vinningslíkur því verulegar. Miðaverð er kr. 1.500. 

Taktu á móti sölufólki okkar með jólaskapinu – kauptu miða.

Kæru Víkingar,

Árlegt jólahappdrætti Víkings er komið af stað og munu iðkendur í yngri flokkum félagsins ganga í hús í öllu Víkingshverfinu á næstu dögum. Við biðjum fólk að taka vel á móti þeim og kaupa miða en með því styrkið þið bæði félagið beint og líka þann sem er að selja því þetta er jafnframt fjáröflun fyrir þá aðila.

Strákarnir halda í Grafarvoginn í kvöld og spila við Fjölni í 12. umferð Olísdeildarinnar. Við vitum að það hefur verið á brattann að sækja að undanförnu, margir góðir kaflar komið en ekki gengið sem skyldi að klára leikina með sigri - það mun koma.

Stuðningur við liðin okkar skiptir miklu máli og því viljum við hvetja stuðningsmenn og velunnara að fjölmenna í Grafarvoginn í kvöld og hvetja strákana. Þetta er næstsíðasti leikurinn fyrir jól en sunnudaginn 10. desember koma Valsmenn í Víkina. Við stefnum á að gera eitthvað skemmtilegt fyrir þann leik og vonandi getum við farið í jólafríið í góðri stöðu í deildinni.

Mætum í Dalhús í kvöld og styðjum okkar lið. Leikurinn hefst kl. 20:00.

Áfram Víkingur

Kæru Víkingar

Víkingur fer á Seltjarnarnesið í kvöld og etur þar kappi við Gróttu. Bæði lið hafa átt erfitt uppdráttar og eru að berjast í neðri hlutanum. Við sýndum hvað í okkur býr í leiknum á móti Haukum í síðustu viku, á þeirri baráttu verður byggt í leiknum í kvöld.

Við hvetjum alla til fjölmenna í Hertz höllina og styðja við okkar lið. Það skiptir máli.

Leikurinn hefst kl. 19:30.

Áfram Víkingur !

Skrá sig á póstlista Víkings.

 header object clear2 minna