Foreldratorgið er vettvangur þar sem foreldrar og forráðamenn iðkenda í Víkingi geta nálgast á einum stað ýmsar upplýsingar sem varða þá sérstaklega.  Til að byrja með opnum við gáttir að æfingatímum, æfingagjöldum og Fríkorti Reykjavíkurborgar. Þá er hér að finna stefnu Víkings varðandi misrétti og fordóma.

Fleira mun safnast í þennan sarp þegar fram líða stundir og kemur ýmislegt til greina. Foreldratorgið á sér ekki fordæmi, svo við vitum. Þess vegna ýtum við því úr vör og þroskum það í samræmi við áhuga og ábendingar, brjóstvit og reynslu.

• Gagnlegar og góðar vangaveltur fyrir foreldra er að finna í bæklingi KSÍ sem liggur frammi í Víkinni. Ástæða er til að benda öllum foreldrum að taka með sér eintak heim og lesa. Textinn er vissulega sniðinn við reynsluheim knattspyrnuiðkenda, foreldra þeirra og forráðamenn en innihaldið á tvímælalaust erindi við foreldra allra iðkenda íþrótta, hvaða nafni sem nefnast.
• Smellið á hnappinn KSí-bæklingur til vinstri og lesið!